ମୁମ୍ଵାଇ ୧୫।୧୧; ହରିୟାଣା ଅଭିନେତ୍ରୀ ତଥା ଡ୍ୟାନ୍ସର ସ୍ୱପ୍ନା ଚୌଧୁରୀ । ସେ ତାଙ୍କ ଦମ୍ଦାର ଡ୍ୟାନ୍ସରେ ପ୍ରଶଂସକଙ୍କୁ ଦିୱାନା କରନ୍ତି । ବର୍ତ୍ତମାନ ସେ ନିଜ ପ୍ରଶଂସକଙ୍କୁ ଖୁସି ଖବର ଦେଇଛନ୍ତି । ସ୍ଵପ୍ନା ପୁଣି ଥରେ ମାଆ ହୋଇଛନ୍ତି। ତାଙ୍କ ଘରକୁ ଏକ ଶିଶୁପୁତ୍ର ଆସିଛି । ସେ ତାଙ୍କର ଦ୍ଵିତୀୟ ପୁତ୍ରର ନାମକରଣ ସମାରୋହ ରଖିଥିଲେ । ଯାହାର ବିଷୟରେ ଜାଣି ସଭିଏଁ ଆଶ୍ଚର୍ଯ୍ୟ ହୋଇଯାଇଥିଲେ ।
ସ୍ୱପ୍ନା ହରିୟାଣାର ନିଜର ଦ୍ଵିତୀୟ ପୁତ୍ରର ନାମକରଣ ସମାରୋହ ରଖିଥିଲେ । ଏହି ସମାରୋହରେ କେବଳ ପଞ୍ଜାବୀ ଏବଂ ହରିୟାଣା ଇଣ୍ଡଷ୍ଟ୍ରିର ଛୋଟ ବଡ ତାରକା ସାମିଲ ହୋଇଥିଲେ। ପ୍ରାୟ ୩୦ ହଜାରରୁ ଅଧିକ ଲୋକ ସ୍ଵପ୍ନାଙ୍କ ପୁଅର ନାମକରଣ ଉତ୍ସବକୁ ଆସିଥିଲେ ବୋଲି ଚର୍ଚ୍ଚା ହେଉଛି ।
ରିପୋର୍ଟ ଅନୁସାରେ ସ୍ୱପ୍ନା ଚୌଧୁରୀ ଏବଂ ତାଙ୍କ ସ୍ୱାମୀ ଦ୍ଵିତୀୟ ପୁତ୍ର ନାମ ପ୍ରକାଶ କରିଛନ୍ତି । ତେବେ ନାମକରଣର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଠାରେ ଶିଶୁପୁତ୍ରର ନାମ ଶାହାବୀର ବୋଲି ଜଣା ପଡିଛି । ସ୍ୱପ୍ନା ଏବଂ ବୀର ଜାନୁଯାରୀ ୨୦୨୦ ରେ ବିବାହ କରିଥିଲେ । ୫ ଅକ୍ଟୋବର ଦିନ ସ୍ୱପ୍ନା ନିଜର ପ୍ରଥମ ଶିଶୁ ପୁତ୍ରକୁ ଜନ୍ମ ଦେଇଥିଲେ । ଦୁହେଁ ମିଶି ନିଜର ପ୍ରଥମ ଶିଶୁ ପୁତ୍ରଙ୍କ ନାମ ପୋରସ ରଖିଥିଲେ ।
